Accueil - sefarad.org

En kamino me ambezi ke...

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EN  KAMINO ME AMBEZI  KE......
 
 
Yegar alto no es kreser !
Mirar no es siempre ver
Oyir no es entender
Ni lamentarse es sintir...
Akustumbrarse no es kerer !
 
 
Estar solo no es soledad
Bivir en el espanto no es la paz
Ser feliz no es siempre soriyir
I mas negro ke falsas kozas dizir
Es kayar la verdad !
 

Un suenyo de amor
Puede avrirse komo una flor
I....Komo esta flor murir !
Ma en su breva egzistensya
Fue todo golor i kolor !

 
La inyorensya no es "No Saver"
Ser inyorante es ser violento i arrogante
I no kerer aprender !
La humilitad no es sumisyon
Ser servil es diferente de ser un buen servitor.
 

La innosensya no es ser de dos karas.
Mostrar sus sentimyentos no es vulgar
Lo solemno no siempre es verdad
El poderozo es mortal
No olvidarse del butto prinsipal
 

Es malo de dar,
Pensando un diya resivir !
No ay mas negro ke enganyar
Azyendose del bueno i soriyir
Ser malhonesto al punto de mentir.
 

Entendi ke  el konosimyento
I kuando kale el razonamyento
En los artes i en el saver
Es lo mas importante ke me keda de ver
De lo ke ya vi, a vezes, sin entender...
 
 
Kon karinyos a todos
Sharope blanco

- Copyright © sefarad.org - 1997 - 2017

Retour au site sefarad.org -