Accueil - sefarad.org

Kon ti... en pensyero solo i en fransez Avec toi au Maroc

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

KON TI.... EN PENSERYO SOLO
i en fransez AVEC TOI AU MAROC
 
 
 
"Los suenyos i la vedra pueden asemejar..
Las fanteziyas i los pensamientos
mos yevan ande keremos toparmos...
La imajinasyon no tiene limitos
i lo importante es el bien-estar... "
Sharope blanco
 
 
KON TI... EN PENSERYO SOLO
 
Esto tan serka de ti ke me puedes tokar,
Darme tu mano...
En estas sivdades leshanas, deskonosidas,
Kamino a tu lado...
 
 
Kaminamos por las kalejas de piedras
Pasando por las kazas proves i rikas
Kon patios de rozas, vutas i kolonas.
Estamos en FEZ, en un souk avyerto
Entre hombres brunos avlando el Arabo.
Respiro el ayre perfumado d'episas
Savorando las maraviyozas dulsuryas
De avyanas, de muez i de almendras.
 
 
En la solombra de las palmas
Esto asentada en tus piernas.
Aya, ariva de muestras kavesas
Briya el azul del sielo sin nuvlas..
Toko tu kara, veygo tu soriza i ke m'adoras
Del profundo del mizmo bleu de tus miradas...
 
 
Aki tambien estamos izolados
I no mos importa los passantes.
Estamos solos, abrasandomos..
Es un Mierkoles !
Komo si eramos estos lokitos
Ke fuyeron de la'skola i de los estudyos
En akeyos diyas rebeldes de muestra manseves..
 
 
Esto kon ti, miro a los leshos,
Los lugares por loskualos pasamos,
Los puevlos banyados de sol i bebes desnudos !
Endjuntos apersivimos los altos minares
Finas, de marbro lavorado, en los montes,
Las fayansas de todas las kolores
Dekorando el interyor de los salones
De los palasyos i de sus paredes,
La fuente de ande me izites bever
De tus proprias manos akel amaneser...
Kuando la sed kemava mi garon
I el otobus mos asperava en el peron.
 
 
La muralyas de las sivdades sekularyas
Son erijidas kon skulpturas presyozas.
Las imagenes sigen trokando kon prestor,
Avansamos al sud kon la atabafadora kalor !
No puedo detener i arekojer mis pensadas,
La kanserya enteza mizmo mis miradas..
Desho mi kavesa arimada sovre tu ombro,
Mis kaveyos livyanos, bolan kon el vento,
Durmo kon el ritmo de tu korason batyendo !
Yegimos a MARAKESH, la perla del dezierto..
 
 
Del empesijo te sigo los ojos serrados,
Veygo kon tus ojos los lugares ke pasamos.
Nada troko ! Siento la golor de las narandjas
Tienen la kolor del sol, estan tan ermozas...
Mil flores, basinos i fuentes en los jardines !
Marakesh briya de diya i se illumina las noches.
Es un suenyo ke no termina al espertarmos,
La briza karesa tus lavios komo mis bezos.
 
 
La noche so seloza ! Se fiesta en los bares.
Las luzes de las kandelas baylan en las paredes.
Las melodias orientalas attristan el korason,
A vezes se alegran, veygo tus ojos briyar,
Las manos chaftan al ritmo de la muzika,
La belleza de akeya ke bayla hipnotiza.
Sus ojos son brazas i se ondula komo kulevra !
Tu la dezeyas, te yeva leshos kon eya..
Siento tu kayntor en mis venas, te kero miyo agora !
 
 
Ruinas en todos los lugares, mas ruinas !
Vijitamos las tombas silensyozas, olvidadas !
El polvo kuvija las piedras...Unas estan rompidas..
Yervas altas i salvajes kresyeron en estos lugares
Sigo tus pasos, meldo nombres, miro a los arvoles
Los simetaryos me dan friyo siempre..Lo saves !
Oygo las orasyones sakradas ke dizes en Hebreo,
Estas emosyonado resitando los biervos en Arameo..
 
 
Vijitamos dospues la chika sinagoga de la sivdad.
El viejo sammas arugado mos arresive kon amistad.
Se siente la golor de l'azeyte i de las lamparas..
Las lajas, embasho, guadraron sus ermozuras.
Las paredes florentinas, pintadas de kolores bivas.
Todo esta bien guadrado.. Briya i esta limpyo
Las relikas judiyas mos aserkan de Di-o
Santo lugar ande los rabinos kantavan los Psalmos
Alavando Su Nombre i los komandamientos divinos.
 
 
Me imajino las mujeres kuvijadas
Las bivdas solas i attristadas
Ke viniyan bushkar el kalmo en sus vidas.
La ijika siega ke trayiya el viejo nono
Flako, kon rigas, kansado i abokado
Ke tanto amava i kudyava sus inyetizikas.
 
 
El mansevo en sus vistidos oskuros,
Muavamente arapado kon todos sus amigos,
Su kamiza de seda guadrada des de anyos...
La dulse novya kon los kaveyos arekojidos,
Vistida de su kaftan brodado kon sus manos,
El korason alegre i soriyendo a todos..
 
 
Es en este lugar ke kijyera rogar..
Rogar por los miyos i Su santo Nombre alavar.
Mis manos avyertas, konfiente, en sekuritad,
Abrigada de bien-estar, en el silensyo i la serenitad...
Dingunos puedran alkansarme i dezrepozarme aki,
Me refujyare en este Templo komo siempre lo dezeyi.
 
Lo adorare i de todas mis fuersas Le demandare "Perdon"
El perdon de mis pekados, tremblando en mi korason
El alivyo de mis oppresyones, kantando Su Glorya
Bushkando una solusyon, tratando de topar una razon
Portanto mi amor es puro..No puedo nada ! Kale pasensya
Mi destino se traso ansina...Kon lagrimas i violensya..
 
 
Estamos en AGADIR rekonstruida ensima de las dekombras.
Entera sakudida, aviya kedado solo piedras, umos i sinizas
La vida nunka se termina.... Se arrebiven unas senteyas
Ke alumbran lo ke no kedo mas, dan reflo a las almas.
No kedan dolores, gritos fina los Sielos, yoros amargos..
Son enterrados kon las memoryas i los muertos..
Oy Agadir es felis i i s'allegra de ver sus mansevos.
El Oseano karesa sus plajes kon sus espumas eksitadas,
Los lunares banyan sus rokas blankas i majestuozas.
 
 
Fue largo.... El viaje duro muncho tiempo !
El suenyo esta para eskapar, torno a mi fotolyo !
Estas leshos i me viene difisil el espertar supito.
Mos toparemos en Roma tu i yo.. No manka tanto !
Konto los diyas i las horas en el kadrano !
Nunka puedre akostumbrarme a kedar leshos de ti.
No suporto las distansyas... Te nesesito kon mi.
Las noches son largas, tus biervos estan en mi oyido !
M'eskarinyo.. Siento la flama del amor komo un fuego !
 
 
Sharope blanco
 
Adaptado de la poeziya
"AVEC TOI AU MAROC"
por Sharope blanco
 
 
AVEC TOI AU MAROC
 

Je suis si proche de toi que tu pourrais me toucher si tu me tendais la main,
Je marche a tes cotes dans ces villes lointaines inconnues, aux chemins sereins.
A travers la blancheur des maisons, des jardins fleuris et des voutes anciennes
Parmi la foule brune dans les souks bruyants savourant les douceurs marocaines...
 
 
A l'ombre des palmiers je suis assise sur tes genoux sous le bleu lumineux des cieux
Je touche ton visage, ton sourire m'adore du profond du meme bleu de tes yeux.
Ici encore, isoles au milieu des milliers, nous jouissons du calme du couple emerveille.
Je suis la qui te suis le regard scrutant l'horizon et le defile des villages ensoleilles.
 
 
Nous contemplons ensemble les ciselures des minarets dominant les collines elevees..
Les faiances aux multiples couleurs decorant l'interieur de somptueux palais,
Les fontaines d'ou jaillit l'eau claire que tu me fis boire lorsque je suis assoiffee,
Les remparts des villes seculaires se distinguant du reste par l'architecture detailee.
 
 
Les images se deroulent et les paysages changent en avancant vers le sud.
La fatigue disperse mes pensees au fil des routes grimpant des montees rudes.
L'air est chaud et je me laisse aller sur ton epaule eparpillant mes meches.
Ton coeur bat du rhytme regulier auquel je suis habituee, bientot Marakesh !
 
 
Rien n'a change depuis le debut. C'est toi seulement que je suis les yeux bandes.
C'est a travers toi que je vois les villes, respire le parfum enivrant des orangeraies.
Marakesh scintille au coeur du desert, dolente et splendide le jour, la nuit illuminee.
Le reve se poursuit au-dela des matins et la brise caresse tes levres comme mes baisers.
 
 

La nuit je suis jalouse ! C'est la fete et les lumieres dansent aux parois des murs.
La musique orientale est langoureuse et trepidente a la fois ! Les mains frappent dur
La fille est belle, son regard flambe, elle t'emporte au loin avec son corps qui s'ondule.
Mon sang s'echauffe, ma peau brule...Je te desire maintenant, sans scrupules !...
 
 
Des ruines, partout des ruines !...Le vent frole les tombes silencieuses, oubliees.
La poussiere recouvre les pierres, les ronces poussent libres, les epines herissees
J'avance derriere toi, la peur creuse mon coeur, j'ai la frousse des cimetierres abandonnes.
J'entends les prieres sacrees des morts que tu murmures en Hebreu avec foi, emotionne...
 
 
Nous visitons la veille petite synagogue ou l'odeur de l'huile penetre aux narines...
Le carrelage fele ci et la conserve la beaute du travail aux peintures florentines.
Le bois est astique et les reliques luisent toutes couvertes d'ecritures fines.
Saint lieu ou les sages rabins chantaient les cantiques et louaient la volonte divine.
 
 
Je m'imagine les femmes voilees, les veuves attristees venant chercher leur voie
La petite aveugle guidee par le vieux grand-pere maigre, ride, voute, qui la choit.
Le jeune marie fraichement rase dans son costume sombre avec la chemise en soie.
La douce mariee aux cheveux releves, paree du caftan brode toute rayonnante de joie.
 
 
C'est la que je voudrais prier les mains jointes, recueillie, confiante, appaisee
Dans la serenite du silence enveloppee du bienetre que nul ne pourrait deranger
Esperant la misericorde, l'allegement des oppressions et le pardon de mes peches...
Pourtant, Dieu est temoin, mon amour est pur et je n'y peux rien contre le destin trace...
 
 
Nouis voila a AGADIR reconstruite sur les decombres et les cendres du passe.
La vie se renouvele et retrouve les etincelles rallumant les torches consumees
Rien ne subsiste des douleurs ensevelies si ce n'est le souvenir des decedes.
Ce jour Agadir repend l'eclat de sa beaute sur les rives de l'Ocean etale a ses pieds.
 
 
Le reve s'acheve et je retourne a mon coin. Tu es loin et le reveil est decevant.
Bientot nous serons a Rome...Je compte les jours et les heures au cadran....
Je ne saurais jamais m'habituer aux distances entre nous, meme pour autant !
Les jours se raccourcissent et les nuits sont longues a te languir comme avant...
 

Sharope blanco

- Copyright © sefarad.org - 1997 - 2017

Retour au site sefarad.org -