Accueil - sefarad.org

Lo ke viene del ayre no traye hayre

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Amigos,
Lo ke los Judyos ke biviyan en payizes arabos
travaron es una koza de travarse los kaveyos !
Ke pekado i ke manziya....
Kon lo ke posedavan los judyos de los payizes
arabos, no se kuantas Medinas otras se puediyan
fraguar !
Una profunda tristessa ke proviene de la injustisya
ke duro siglos i ke dayinda travamos... Muestros
ermanos tuvyeron ke arrankarsen de sus payizes
ande aviyan bivido por siglos i siglos deshando
kazas i moradas, tierras i bienes, echos i templos
ande rogavan....Sus sudor i sus erensyas...Es Israel
ke los arekojo en grande partida mizmo si una
partida se fueron a installarsen al etranjero...
Israel ke les avriyo los brasos komo una madre ke
kere sus ijos a su lado, para kurar los ke estavan
firyidos, darles konfiensya en si, i adovar sus orgulyo,
darles kazas i lo nesesaryo para empesar una vida
mueva, kon difikultades sierto, ma grande reushitad.
Todos estos judyos ke fueron arrondjados tan
kruelmente se izyeron soldados del Tsahal para
kombatir kontra los ke meten ojo a la djoya
chikichikitika ke es Israel ma ke briya komo un sol
en un firmamyento aleskuro... AM ISRAEL HAY !

Dedikado a muestros ermanos ke desharon sus
raises en las tierras hostiles a los Judyos i ke
tuvyeron ke partir kon una sola validja en la mano
de kada uno.

LO KE VIENE DEL AYRE NO TRAYE HAYRE

I.... es lo ke se ve en los payizes vizinos !
Ke les kedo de lo ke les arovaron a los judyos ?
Los arrondjaron, izyeron pogromes averguensados
Esto no les trusho ni beraha ni atzlaha !
El petrol se les kemo i en serka se les eskapa...

Ke les va kedar kuando los pozos se van a sekar ?
Kuanto puedran kon lo ke agora tienen dayanar ?
Kuando no puedran merkar ni kuras ni makaron ?
Ande estavan se kedaron, ni de un paso avansaron
Mentalmente i kulturalmente los mizmos kedaron !...

Fraguas, kazas i konstruksyones
I todo en sus tierras sin bendisyones
Se derrokan komo kutis de kibrites !!!
Solo ke no vengan terremotos
Vientos lokos de los deziertos !...

Ke valen las paras i tierras arovadas
Kuando se bive dayinda komo en las tentas ?
A kualo sierven todas sus mintiras
Kuando el mundo entero save las vedras ?
I si se mostran amigos es solo por las paras !

El terrorizmo da espanto, ay firyodos...
La alma mos se parte oyendo de los muertos..
No tienen piadad ni de los chikos ni de los viejos
Mas aharvan, mas matan, mas echan roketas...
La Galil trembla kuando se oyen las bombas...

Ma Israel se enfuertese kada vez mas i mas !
Komo el arvole ke tayan para tener mas fuersas
Tsahal es el leon de Yehuda kon sus griffas
Kuando arresiven un golpe ke meresen
Komo kreaturas empesan a kesharsen...

No saven mas ande gritar i echar kavesa...
Inchen las salas i los buros de la Medya
Kon mintiras, kalomniyas i munchas lagrimas...
Se van kon falsedad a las Nasyones Unidas
Para mas azer bruido, mas hadras i baranas !

Sus selo i sus odyo immenso i hazimyento
No pueder alkansar a lo bueno i lo ermozo
No los desha durmir i bivir en paz i en repozo
Des de ke nasen sus ijos, es el mizmo ambezo
Matar mas judyos i murir para ir al Paradizo !

Al lugar de jugetes se les da armas i kuchiyos
I al lugar de livros modernos meldan sus Eskritos !
Alavan sus martirios ke saltaron en sus suisidios
Los antrenan para ke seyan vayantes guerreros
Ma sale a la fin ke no son ke kovardes terroristos !

Ke afito ke mandaron de sus payizes los judyos ?
A kualo les servyo sus bienes i sus templos ?
No miresh a un punyado de sheykes i rikos !
El puevlo de la kaye ni tiene kalsados !
La gente se muere de ambre sin trapos !

Sharope blanco

- Copyright © sefarad.org - 1997 - 2017

Retour au site sefarad.org -