Accueil - sefarad.org

El kanto de la alma

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL KANTO DE LA ALMA



Es tan delikado el korason del poeto
Tiene sus kuedras komo un violon divino
Kuando s'eskriven las notas delgadas
D'otra parte responden las notas basas
Sale la poeziya ke kanta lo de la alma
A vezes aze sonyar i a vezes mos derroka..


Ke es poeziya  ?
Poeziya es muzika, i savor de boka para la alma..
Poeziya es la mas alta manera d'eksprimir kualker koza....
Poeziya es la mar i el sol, la luvya i los aires lokos
Es el kalmo i las tempestas de todos los sentimyentos
Poeziyas en ojas blankas i innosentes asyenden fuegos !


Ke es poeziya ?
Si no pintar en oja blanka ?
La pluma es el instrumento
Ke transmete lo de la alma
Al vaziyo..


Es tan livyana la pluma del poeto
Bolta entre las linyas i pinta el blanko
La oja s'enflama i la ves ni mas ni manko
Kargada de sentimientos ke tostan la sangre
Ves en los biervos los yoros de una madre
Versos kantan el kanto de la luvya i del ayre !



Sharope blanco 
El 10 Disembre 2009

- Copyright © sefarad.org - 1997 - 2017

Retour au site sefarad.org -