Accueil - sefarad.org

De la tadre a la noche

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;


DE LA TADRE A LA NOCHE

 


Miro al horizonte..
El disko kolorado va dezapareser
en las aguas del kalmo Marmara.
Se abraza el sielo,
es la hora de las ventanas insendiadas
por las flamas de la tadre.

 


Es la hora del ritorno
de los barkos aserkandosen sin bruido.
Los peshkadores entran al chiko puerto.
Los veygo mover avagar,
no se les ve la kara..
Empeso el reynado de la Solombra.

 


Es la hora del paseo de los namorados
kansados del diya, de los estudyos.
Los veygo kaminando mano kon mano
A vezes s'abrasan en un largo bezo
enserrados en sus mundo,
etranjeros a lo ke no son eyos...

 


Es la hora del repozo del parko.
El vedre no es mas la kolor insolente...
Los pasharos se kayan
Es un profundo silensyo en el fresko
Las palomas aunflan sus plumas
Se aserkan en sus amistades eskondidas

 


Es la hora ke leshos del esuenyo
Me topo sola kon mi mizma
Amoroza apasyonadamente de mi pasado
Mizmo si no estas.
Ken sos ?  Ke es tu nombre ? Sos tantos !
El pezgo de un rekuerdo en mis ombros.

 


Sharope blanco
24 de Mayo 2009

 

sharope.blanco@gmail.com

 

- Copyright © sefarad.org - 1997 - 2017

Retour au site sefarad.org -