Accueil - sefarad.org

Opiniones

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

OPINIONES   !
 
 
Hello Kerido amigo David

Vinites a la hora buena al foro de SM.
Muncho tiempo ke no oyimos nada de ti
i la vedra es ke siempre me eskarinyo
de lo ermozo ke mos eskrives i de tu
humor ke adoro !  Grasyas por meldarmos
siempre komo lo mensyonas en tu eskrito.
Esto segura ke no te dezilluzyonamos
kon la kalitad de muestra korespondensya !

No entendi de ke filmo estash avlando
Esther i tu !  Ekskuza mi ignorensa, mi
kerido amigo !  Esto tan okupada en lo ke
ago ke a vezes, (no ! siempre !), me se fuye
kozas enteresantes aktualas, komo filmos
o este sujeto del kual estash avlando.

No tengo del todo safek ke mi muy kerido
Rabbi te puede dar su opinion sovre kualkera
koza ke le demandaras...
A parte de todo, ya saves kuanto te kere
bien i te estima !


Sin avlar ke i yo se dar opiniones....

Te puedo dizir kualo le gusta komer al Mashiah,
kualo van a meter en las valijas/suit-cases
los ke estan emigrando a Israel....
Ke kuras van a tener de menester...
Te puedo dizir kual es el jet el mas repozado
para ir a Israel i ke kompaniya eskojer.
Kuala es la kompania ke tiene ermozas hostesas.
Kuala es la dalkavo moda en los fostanes
"a la halav u dvash/leche i miel"  i munchas
otras opiniones interesantes i importantes !

Te puedo dar tambien opiniones sovre komo
se deve de eskojer amigos una ves ke te metites
en la kavesa de emigrar a Israel,
kon ken konversar aya, sovre kualo konversar,
ke jurnales meldar, en ke patiserias toparte kon
tus amigos para diskutir de la aktualitad
i de kozikas....ya saves.....Ayyyyyyyy ke me
namoro oyir estos hombrizikos kuando no saven
ke los estas oyendo !!!

I las mujerikasssssssss  Of course ! Tomas un
kapuchino o un kapuladino  (Para kualo Chino !!!!)
kon leche kasher  i en kupa shoronfonfon i
empesas a azer dediokodu/gossip, kitar al rey i
meter al vezir kon ayre de ni toka ni peka !
N o...No... Mijor es oyir sin dizir nada ...
Es la savor de la vida !  Sin esto nada es "fun" !
Vites ke opiniones ermozas te di ?

Siempre vale la pena de demandarmos opiniones
en SM mi kerido Dudi !

Je t'embrasse avec beaucoup d'affection
et ecris-nous plus souvent !

Sharopika pour toi.....
SM =
http://groups.yahoo.com/group/Sefaradimuestro/

- Copyright © sefarad.org - 1997 - 2017

Retour au site sefarad.org -