Accueil - sefarad.org

Unas kuantikas kayintes del orno !‏

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

TEMEL  -   EL SPEAKER  -   EL PERRO HAHAM
 
 
 
Un proverbo amerikano dize kale provar

a. El oro kon la flama
b. Las mujeres kon el oro
c. i los hombres kon las mujeres !

 

Uyyyyyyyyy Temel !

Fadime es, komo ya lo savesh su mujer !
ES seloza barminnam !  Le aze la vida
preta a Temel ke es bueno i la adora...
Le kita la gana de bivir en peleyandose
komo loka kon el kada ves ke topa un
kaveyo de mujer ensima de sus vistidos..

Akeya noche tambien bushko bushko bushko
el pelo ma no aviya.... Fadime lo bolo
de inyervos !!!!

- Temeeeeeeeeeeeel !   El Di-o ke te azi
komo El soli savi !   Ago mis kaveyos
eskova por ti... I tu ke azis ? Hu ?
Ke azis tu por mi ?  Te vas mismo kon
tinyozis !!!    Andi esta el pelo ?
No ay ! Deki no ay ?  Porke es tinyozi !!!!

*
*

Dos amigos se enkuentran en la kaye.
Leshos de mozotros uno es tartamudo/kekeme !

- De ande vienes ?
- ESssssss tutututu ve en un konnnnnn testotototo
de la rrrrrrrrrradddddddio !
- Ah ? Ke era ?
- Tiennnen de memememenester dedededede un speakkkkker
- I ke fue ?
- Nana na na nan nada !
- De ke ?
- memmmememememe disheron kkkkkkkkk mimimi krav vata
nononononosta bubuena !

*
*

La kestiyones ke kitan loko los hombres !

- Deke estas tan silensyozo oy ?
- Deke no me yamates ayer ?
- Saleremos a las kompras ?
- Me keres bien ?
- Deke no me dizes ke me keres bien ?
- Me parese ke me keres manko agora...
- KEn era akeya ijika allado de ti ?
- Ande estas, ke estas azyendo
agora ? (en el telefon...)
- Kon ken estas ?
- Kuando vas a vinir ?

*
*
Lo ke kita lokas las mujeres :

- Avlar i komportarse komo mujer.
- Avlar kon kifures (mentar) i de manera no elegante
- No okuparse komo se deve de manos piezes kaveyos i barva
- Avlar de Football, de las mujeres i de los otomobiles
- Una asentada no elegante
- Kamiza suzya i pantalones sin uti (iron)
- Alavar las komidas de la madre i de los otros
- deshar el banyo mojado i no duzudado
- salir kon los amigos solo


i la palavra del diya :

Un padre es la Banka ke mos regalo el Di-o !

*



Un hombre kere entrar en el kal (la sinagoga)
kon su perro ! El shamash s'inyerveya i le dize
ke esto no es posivle ! Es lugar de orasyones !
El hombre lo mira endinyado i dize "komo puede
ser ? Mi perro es djudyo ! "
 
El shamash mira i ve ke tiyene a su kolar un
kuti (box) kon ensinyas djudiyas !
 
El hombre le dize  " Rover ! Tallis! "
El perro dize "woof " se mete ensima de sus
piyezes kita el talleth i se lo mete ensima. 
 
El hombre dize "kipahle"!
El perro aze "woof" kita la kipa i lo mete a
su kavesa.
 
El hombre dize "Daven"! El perro
dize "woof" kita el Livro de Orasyones i
empesa a meldar en su lingua....
 
El shamash atontesido mira el perro mira el benadam otra
vez i otra vez i le dize  :  " Senyor, yeva este
ijo d'un perro a Hollywood ke te puedes azer
riko !   De verdad es un perro muy raro !

El hombre le soriye i le arresponde
"Hehehe avlale tu ! No me kere oyer !
Dize ke kere ser un un Doktor ! "
 
 
Saludos karinyozossssssss
 
 
Sharope blanco
 

- Copyright © sefarad.org - 1997 - 2017

Retour au site sefarad.org -