Accueil - sefarad.org

La ijika attakada por el pero !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
LA IJIKA ATTAKADA POR EL PERRO   !


Una ijika chika fue attakada por un grande
perro pittbull en las guertas de Vincennes.
Un hombre korre i dospues de luchar ferosamente
kon el perro lo mata i salva la kreaturika.
Yega Monsieur le Policier i felisita kalorozamente
el sinyor.

-  Amanyana vo azer una deklarasyon a los jurnalistos
kontandoles ke un korajozo Pariziano salvo una ijika

-  No so Parizyano !

-  Les vo dizir un heroiko Fransez !

-  No so Fransez !

-  Bueno vana avlar de un vayente Europeano !

-  No so Europeano !

-  Ma ke sos alora benadam ?!!!

-  So Israeliano....

A la demanyana las gazetas eskriviyan ke un 
Israeliano, de una rara krualitad agreso i
masakro un perriko inofensivo ke penso ser Arabo !

*
Assemeja de verdad muncho a lo ke meldamos
i vemos en la media estos d'alkavos diyas ...
Las vosiferasyones estan leshos de kalmarsen..

Rogo por la PAZ i la buendad en los korasones.
Ke no ayga odyo, selo, negregura en este mundo.
Ke las personas se keran bien i ke no agan sufrir
los animalitos.... Ke todos seyan artos antes
de ir a durmir... Ke no konoskan el espanto !
KE LA KONFIENSYA EN EL FUTURO DERROKE
I ALIMPYE TODAS LAS DEZGRAYAS DEL PASADO.
 
 
Kon karinyo
 
Sharope blanco

- Copyright © sefarad.org - 1997 - 2017

Retour au site sefarad.org -