Accueil - sefarad.org

Ekselentes definisyones

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
EKSELENTES DEFINISYONES
 
 

LA ESKOLA ?

Es el lugar por el kual los paryentes pagan
i las kreaturas jugan, apanyan hazinuras,
vienen aharvados, rovados, kon pulgas i puliyas,
s'ambezan a mentar, a mintir, i komo no lavorar.

SIGURITAD DE VIDA ?

Es un kontrato ke te desha povre la vida entera
para ke puedas murir riko !

LA ENFIRMIERA ?

Es la persona ke te espierta de tu dulse esuenyo
para ke te englutas pillulas para durmir !

EL KAZAMIENTO ?

Es un kontrato kon el kual el hombre perye
su sertifikato d'estudyos i la mujer gana su
diploma de Maestra !

EL DIVORSYO ?

Es la konjugasion al tenso futuro de Kazamiento !

LAGRIMAS ?

Es la fuersa hidraulika kon el kual el poder
de la voluntad maskulina es vensida por el
poder de la agua feminina...

EL KORSO EN LA UNIVERSITAD ?

Es el arte de transferar informasyon de las
notas del Profesor a las notas ke los
estudyentes eskriven kon prestor, sin ke estos
pasen por las mientes, ni del ke los transfera,
i ni de el ke las toma...

UNA KONFERANSA ?

Es la konfuzyon del ke avla, multiplikado
kon el numero de personas prezentes en la sala !

EL KOMPROMISO ?

Es el arte de kortar una torta de tala manera
ke kada uno ke resive un pasiko pensa ke el
suyo es el mas grande !

EL DIKSONARYO ?

Una ovra por la kuala el sukseso viene
antes del lavoro !

LA SALA DE KONFERENSYA ?

Es el lugar ande todos avlan, dingunos no oyen,
i todos no estan d'akuerdo mas tadre !

EL PADRE ?

Es el bankero ke la Natura mos regalo !

UN KRIMINAL ?

Es una persona ke no es diferente de todas
las otras kon la eksepsyon ke lo aferraron !

EL BOSS ?

Es la persona ke viene d'emprano kuando
kedas tadre i ke keda tadre kuando yegas
a tiempo !

EL POLITIKO ?

Es el ke sakuda tu mano en primero i dospues
tu konfienza !

EL MEDIKO ?

Es el ke te kura kon medisinas i te mata kon sus
fakturas !

KLASIKOS ?

Livros ke las personas alavan ma no meldan !

LA SORIZA ?

Una linya redonda ke puede meter las kozas
en linya derecha,

EL BURO ?

El lugar ande se puede arrepozar dospues
de los stresses en kaza !

BOSTEZAR ?

Es la sola vez ke un hombre kazado puede
avrir la boka !

ETS.. ?
El sinyo ke aze kreyer a los otros ke saves
mas muncho de lo ke saves en realitad !

EL KOMITE ?

Individuos ke no pueden azer nada
individualmente i se asentan para desidir
ke nada se puede azer endjuntos !

LA EKSPERYENSYIA ?
El nombre ke las personas dan a sus yerros.

LA BOMBA ATOMIKA ?
Es la invensyon para dar fin a las invensyones !

EL FILOZOFO ?

Es el sin meoyo ke se tormenta la vida entera
para ser haham !
 
 
Trati de eskojer el mijor... No puide !  Sun una i una
eskojidas de vedra !
 
Sharope blanco
 

 

- Copyright © sefarad.org - 1997 - 2017

Retour au site sefarad.org -