Accueil - sefarad.org

El Lovo, La Pantera I El Sindjap

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL LOVO, LA PANTERA I EL SINDJAP

 

El lovo estava muy ambierto i se estava demandando
si iva topar un ermozo tavshan  (konejo-rabbit-lapin) 
para amahar su ambre.... En esto ke ve una pantera ke
se estava aserkando de el....  Kuaji muerto de espanto
de ser su komida apanyo unos kuantos gueysos ke se
topavan embasho i se metyo a lamberlos dizyendo a
boz alta  :  " Di-o miyo !  Ke savrozor de pantera ke
era.... No me arti !  Kijyera komer otr'una de vedra..."
 
Oyendo esto,  paniko la pantera ke era manseva dayinda
i presto se fuyo a eskonderse detras de los arvoles en
el boske ande biviyan....Pensava ke aviya fuyido justo
a tiempo de este mizeravle lovo !
 
El lovo muy kontento de si-mizmo ma desmayandose
de ambre, se metyo a bushkar su komida.... "ahhhh un
tavshan...ke bueno va ser......"
 
En un ramo del grande arvole serka de aya, un sindjap
(ardilla, squirel, ecureuil)  vido todo lo ke se paso i
penso ke puede aprovecharse de todo lo ke fue testigo
i ganar la proteksyon de la pantera.
 
Abasho del arvole i le konto komo el lovo se burlo
del grande gato !  La pantera loka de ravya le disho
al sindjap de asuvirse ensima de eya... " Mira agora
lo ke le va afitar a este bastadro de lovo... mira bueno !"
 
El lovo esta vez vido ke se estavan aserkando de el
la pantera kon el sindjap ensima !  " Atyotyotyotyo !
Es mi fin agora si no topo un remedyo... Por los mil
lovos del gehinnam devo, devo inventar una koza !"
i empeso a gritar  :
 
"  Ande kedo este sindjap de kalavasa ! Ya se izo
una hora ke lo embiyi a trayerme otr'una pantera ! !
Me lo vo komer kon la gata enjuntos !!!! "
 
Ke no vos manken las sorizas.....
 
Sharope blanco

- Copyright © sefarad.org - 1997 - 2018

Retour au site sefarad.org -