Accueil - sefarad.org

El Rabi en el orbito de la tierra

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
EL RABI EN EL ORBITO DE LA TIERRA
 
 
 
No entyendo komo estos Rabis ke mos kayeron
direktamente del Gan Eden  pueden ser tan diferente
de mozotros ?  Ande  peryeron sus meoyo antes de
abashar a la Tierra ?  Enigma !
 
Vash a ver.... Lo abolti a la lingua de mi aguela...

La Nasa aviya embiyado munchas vezes naves
spasyales alrededor de muestra planeta.  Esta vez
desidyo de embiyar tambien personas para oyer
dospues ke seriyan sus impressiones.

Dunke invitaron un Saserdose Katoliko, un Ministro
Protestante i un Rabbi Ortodokso al nave spasyal
para orbitar la Tierra.  A la torna de sus aventura
organizaron una sala kon munchos jurnalistos i
audiensa para oyer lo ke ivan a kontar .

El Saserdose Katoliko delkual se le puediya meldar
la alegriya en la kara,  disho  :
 
-  Era inkreyivle !  Vi el amaneser, la kayida de la
noche, vi de arriva la ermozura de los oseanos...
Me kijyera ir otra vez....
 
El Protestante disho  :
-  La Tierra es una djoya de arriva !  Vi muestra kaza
i el sol splendido....... Me siento entuzyazmado..
 
La gente asperava lo ke el Rabi Judyo les iva kontar.
 
-  Rabi, le plazyo este viaje ?   Komo se ve la  Tierra
i los sielos de arriva ?  Fuitesh kontente ?
 
El Rabi alevanto sus manos al sielo, los meneyo
komo un loko !
 
-  Kontente yo ?!!!!  Ser kontente de kualo ?
Oyvavoy vVOY Vvoy !  El sol se alevantava i
dezaparesiya kada sinko minutos !  Iiiiiiiiiiiiiiiiii
mete los tefilim, kita los tefilim, mete los tefilim,
kita los tefilim.... Minha, Arvit, Shaharit....Minha
Arvit..... Sin kavo !  Me muri !!!!!
 
 

- Copyright © sefarad.org - 1997 - 2018

Retour au site sefarad.org -