Accueil - sefarad.org

Araprosdokian

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
ARAPROSDOKIAN
 
 
No saviya lo ke es ARAPROSDOKIAN....
Me viene al oyido komo un biervo en Ermeni.
No es ! Es en Inglez parese i no lo oyi antes.
Sinyifika figuras de la avla ande laskualas la
segunda parte de la fraza es inesperada....
 
Vos vo dar egzemplos porke es difisil de entender
lo ke dishe ariva... Puedeser ke no ! Yo no lo
entenderiya por syerto !
Alora vinid a mi lado i vos azere soriyir mis
pashayikos i mis hanumikas !!!!
1. Ande ay un "will" -dezeyo, testamento !- ,
Me gusta toparme...
2. Si pensamos ke la luz viaja mas presto ke el
bruido, unas personas aparesen briyantes fina ke
las oyes avlar,
3. Si akseptariya lo ke tu dizes, mos yerrariyamos
tu i yo,
4. La guerra no determina ken tiyene razon, solo
ken sovrebive,
5. El saverisyo es dizir ke la tomata es un fruto
ma la savyedura es no meterla en una salata de fruta.
6. Empesan por dizirte "buenas tadres" i dospues
te eksplikan porke no lo es,
7. Arovar ideyas de alguno es plagiarismo ma arovar
ideyas de munchos es investigasyon,
8. En inchendo el formular de aplikasyon, ande estava
endikado "ken avizar en kavzo de emergensya ?" eskrivi
EL DOKTOR,
9. No dishe "es tu kulpa" , dishe "te kulpo i te
konsidero responsavle"
10. Las mujeres nunka seran iguales a los hombres
tan ke no kaminan en las kayes tinyozas i kon una
kupa de bira en la mano en pensando ke son sexy,
11. Detras de kada hombre ke reusho en la vida se
topa su mujer ma detras de kada hombre ke peryo
su fortuna i se malogro, se topa en general otra mujer,
12. Una konsiensya limpya es lo mas del tiempo una
negra memorya,
13. Uzava no ser desidido ma agora no esto tan seguro,
14. La nostaljiya no esta lo ke era unos tiempos.
No tiyene futuro tambien,
15. Andar a la sinagoga no te aze judyo komo toparte
en tu garaje no te aze una araba (coche),
16. No, no ! No me esto peleyando kon ti. Te esto
eksplikando solo deke te estas yerrando !
Kon todo mi karinyo para todos i al
Senyor Winston Churchill ke le plaziya
"ARAPROSDOKIANES".....
Sharope blanco

- Copyright © sefarad.org - 1997 - 2017

Retour au site sefarad.org -